Konsultorio fisioterapia Fyso di Bario a habri su porta dies aña pasá i for di e tempu ei a krese bira un konsultorio bon bishitá. Nos klientenan ta entusiasmá ku nos manera di trata i ku e resultadonan ku a logra.

Mishon

Konsultorio fisioterapia Fysio di Bario t’ei pa tur hende ku un problema di salú relatá na e aparato di moveshon. Nos ta trata na duna un guia optimal na nos klientenan, pa asina nan kehonan lo desminuí i kalidat di bida lo oumentá. Esaki ta logra pa medio di informashon, konseho i tratamentu a base di diferente método di tratamentu.

Vishon

Komo konsultorio ku ta duna servisio, Fysio di Bario ta karakterisá pa su funshonalidat amplio, kalidat haltu, enbolbimentu, optimismo, kuido di pashènt rápido i bon komunikashon. Nos balornan prinsipal ta konsistí di un aserkamentu enbolbí i dirigí i di desaroyo i inovashon riba tereno di kontenido. Semper nos ta aspirá komunikashon intensivo i koperashon ku tur dunadó di kuido enbolbí pa por garantisá kuido optimal di e kliente. Den futuro tambe nos lo keda aspirá e balornan klave akí.

Fysio di Bario ta afiliá ku Caribisch Nederlandse Vereniging voor Fysioterapeuten. Tur terapista ta registrá Big tambe i nan ta inskribí na Centraal Kwaliteits Register voor Fysiotherapeuten di KNGF. Ku esaki nos ta garantisá nos kalidat. Idiomanan ku ta papia: papiamentu, ingles, spañó i aleman.