Terapia Dry needling ta un método di tratamentu relativamente nobo di fisioterapista. Ta prek e múskulonan pa medio di un téknika spesial i asina nan ta relahá mas lihé i mas largu. Dry needling ta uza un angua pa akupunktura sin añadishon di  medikashon. Den hopi kaso por kuminsá ku Dry needling komo parti efektivo di tratamentu. Esaki ta sosodé naturalmente den konsulta ku i ku pèrmit di e kliente.

Terapia Dry needling no ta mes kos ku akupunktura. E ta basá riba  prinsipionan anatómiko i neurofisiológiko oksidental. Serka akupunktura ta pone angua superfisial den e kurpa, ku tin influensia riba ‘energia’ den e kurpa. Serka terapia Dry needling hopi biaha ta uza un angua, ku kua ta hinka korto tempu den e múskulo.

Un triggerpoint ta un kònòpi den un múskulo ku banda di e doló di preshon lokal, hopi biaha tambe ta kousa doló ‘riba distansia’. E fisioterapista ta buska e lugánan akí pasobra hopi biaha ta nan ta kousa prinsipal di tur bo kehonan. Triggerpoints ta manifestá den:

• Doló/steif lokal den múskulo o doló riba ‘distansia’ (uitstralingspijn)
• Limitashonnan di moveshon den e skarnínan korespondiente
• Forsa redusí den múskulonan korespondiente
• Doló komportashon desviante; bo ta bai move otro
• Kalor, kalafriu, doló di kabes, birament’i kabes, etc.

Triggerpoints por surgi na diferente manera. Agudo pa un moveshon robes, pero tambe króniko pa motibu di un posishon robes di durashon largu. Pero tambe sobrekarga, daño di tehido, ousensia largu di moveshon o faktornan sikológiko por hunga un ròl.