Pa tur trahadó ku ta hasi hopi trabou ku pantaya sintá, ta di importansia ku e lugá di trabou ta optimalmente mueblá. Fysio di Bario ta ofresé e posibilidat pa bishitá lugánan di trabou i pa husga esakinan riba tur aspekto èrgonómiko.
Nos ta duna instrukshon na kolaboradónan tokante bon posishonnan di traha i sinta. Aki ta tene kuenta ku trabounan i eventual kehonan eksistente.
Durante e análisis di trabou ta duna rekomendashonnan konkreto i ta adaptá e lugá di trabou mes ora kaminda ta posibel.