Ora bo kana drenta serka nos, bo ta mira mesora e sala de ehersisio. E sala di ehersisio ta ekipá ku un oferta amplio di material pa ehersisio pa revalidashon, ehersisio pa kondishon i fortifikashon di múskulo.
Nos ta diferensiá for di otro skolnan deportivo pasobra nos ta ofresé guia fisioterapeutiko den nos sala di ehersisio. Personanan ku keho físiko por traha riba nan rekuperashon na un manera responsabel bou di guia di un fisioterapista. Tambe pa esnan ku ke keda den bon kondishon, e forma di guia akí ta duna ménos rísiko pa desaroyá daño físiko.
Tarifa:
- Abono mensual – 18 te 60 aña $40.00
- Abono mensual – 60+ $30.00
- Abono mensual – <18 $20.00
- Abono mensual – studiante $20.00
Aktividatnan
Nos instruktor di deporte ku hopi eksperensia Juanita ta ofresé spinning den eskala chikí i lèsnan di zumba. Ta hasi esaki na midí, di modo ku e lèsnan ta aksesibel pa tur hende.
Ademas nos ta ofresé Dru Yoga. Dru Yoga ta un forma suave di yoga den kua ta traha ku moveshonnan fluktante, hopi posishon diferente di yoga i un relahashon profundo na final. Tur esaki ta sostené pa un respirashon kontrolá. E forma di yoga akí tin prinsipalmente komo meta, pa salí for di bo moveshonnan, yega den bo silensio i bo sosiego. E ta aksesibel pa tur hende.
Finalmente nos ta haña ku moveshon den aire liber ta kontribuí na un kurpa den bon kondishon i salú. Ta p’esei nos ta organisá kada djasabra mainta un kaminata pa nos miembronan.
