Kiko ta fisioterapia?

Fisioterapia ta un método di tratamentu pa kehonan na bo múskulonan, ligamentonan, skarnínan i nèrvionan, tambe yamá e aparato di moveshon. Den e promé tratamentu nos ta inventarisá bo keho pa medio di un konbersashon i un inbestigashon. Despues nos fisioterapista ta traha un plan di tratamentu huntu ku bo.

E plan di tratamentu akí ta trabou na midí. Kada hende ta otro, kada keho ta otro i kada kurpa ta reakshoná otro. E kantidat di tratamentu ta dependé di e keho i e seriedat di dje. Banda di tratamentu di keho nos ta pone atenshon tambe na prevenshon di regreso di bo kehonan.

Un tratamentu fisioterapeutiko ta dura mei pa un ora. Durante un tratamentu fisioterapeutiko nos ta kuminsá traha huntu ku bo den kamber di tratamentu o sala di ehersisio. Banda di e tratamentu di e fisioterapista bo ta haña ehersisio pa mas forsa, kordinashon i fleksibilidat. Ta stimulá bo pa uza nos sala di ehersisio durante i despues di tratamentu.

Un tratamentu por konsistí di un kombinashon di:

• Terapia di ehersisio;
• Mobilisá skarní
• Dry needling
• Punto di preshon o fisio masashi
• Zonido ultra, terapia elektro o shokwave

Tratamentu ta tuma lugá preferiblemente na konsultorio. Si esaki no ta posibel ta duna tratamentu na kas den konsulta ku bo dòkter di kas o spesialista.

Kiko bo ta bini kuné ora bo tin un sita ku fisioterapista?

• E referensia di bo dòkter di kas o spesialista.
• Un prueba di identifikashon.
• Eventualmente un sèrbètè grandi.